3443/2024-2025

Dated the 10th December, 2024: Vawiin khan Fisheries Department, Saitual District-te chuan Indian Council of Agriculture Research (ICAR CIFA) Bhubaneswar, hnuaia Sangha khawitu mi 50 hnenah sangha chi leh sangha chaw a thlawnin an sem. 

Sangha khawitute tana a thlawna sem tur hian Pi Zomuansangi, District Fisheries Development Officer chuan a theih tawp a chhuah thu sawiin, he an sangha chi sem “Amur Carp” hi Mizorama la khawi ngai loh a ni a, Saitual District-a sangha khawitute tan pawha phurawm tak leh hmasawnna rahbi pawimawh tak tur a ni, a ti. DFDO chuan sangha khawitute chu uluk taka khawi a, tipung zel turin a chah a ni.