2416/2024-2025 

Saitual, the 8th October 2024: Vawiin chawhma dar 9:30 a.m khan Saitual Police Station chuan an tual zawlah an kum 50 tlin lawmna (Golden jubilee) hun an hmang a. Saitual Superintendent of Police, Pu Pukhraj Kamal, IPS chuan Jubilee lung khuh hawngin he hun hi a hmanpui. 

He hunah hian District SP Pu Pukhraj Kamal chuan thu sawiin Saitual district chhunga awm mipuite, tlawmngai pawl leh police staff zawng zawngte chuan thawhhona tha tak an nei thei chu lawmawm a tih thu a sawi a, Saitual Police Station kum 50 tlin lawmna chu Saitual SP a nih lai ngeia an hmang thei chu vannei a in tih thu a sawi bawk a ni.  

Saitual Police Station hi kum 1974 khan din a ni a, tunah hian Police Station building changtlung tak neih tawh niin, tun thleng hian Officer-in-Charge 36 in an thutchilh tawh a ni.   

He Golden Jubilee lawmna hi Pu J. Rokima, Addl. SP, Saitual DEF chuan kaihruaiin, Pu Pukhraj Kamal, SP, Saitual DEF chuan Jubilee lung khuh hawnna leh thusawina hun a hmang a. Thusawi tawi hi a duh apiang tan hawn niin, Pu R. Lalzarliana, Dy. SP ( Hqrs), Saitual DEF chuan lawmthu sawiin he hun hi a khar a ni.