2133/2024-2025

Saitual, the 19th September, 2024: Vawiin chawhnu dar 2:00 pm khan District level steering committee on Swachhata Hi Seva 2024 buatsaih bawlhhlawh sawngbawltute hriselna endikna - Health checkup for sanitary workers (SafaiMitra Suraksha Shivir) chu District Hospital, Saitualah neih a ni.

He hunah hian Dy. Chief Medical Officer, Dr Zothanpari Chhakchhuak chu khuallian niin thu a sawi a, mahni invenna hmanrua, kutkawrte, gum boot te hmang uar turin bawlhlawh sawngbawltute chu a ngen a. Bawlhlawh an sawngbawlna kawngah natna hlauhawm tak tak an kai theih avangin mahni invawng fai a, sahbawn ngeia kutsil uar turin a fuih bawk a ni. Dr. Zothanpari Chhakchhuak chuan inkaichhawn theih loh natna (non-communicable disease) zingah bp sang leh zunthlum nei Saitual district-ah chuan an pung zel tih a sawi a, hemi laka inveng tur chuan ei leh in uluk a, taksa insawizawi uar tur a ni, a ti. District mipuite chu bawlhhlawh tawih thei leh thei lo thliarna kawngah hma lak a tul tih a sawi bawk a ni.

He health checkup for sanitary workers programme hi Pu Albert Vanlalliantluanga, DUDO, UD&PA in a kai hruai a, bawlhlawlh sawngbawltute bakah UD&PA staff te leh Saitual District Hospital staff te an tel a ni. Bawlhlawh sawngbawltute chu a thlawn vekin an hriselna endik a ni.