627/2025-2026

Saitual, 15th May 2025: Zanin dar 6:30 PM atanga 6:33 PM khan Saitual Town area- Saitual, Keifang, Ruallung leh Sihfaah te, rikrum thila mipuite him zawk nan eng tihthim chhinna-Blackout Mock Drill neih a ni a, minute 3 chhung eng (power supply) tih tawp a ni.

Blackout Mock Drill-ah hian Saitual Town chhunga veng tina tlangau (information centre) aṭangin Siren tihrik niin, Power supply tihtawp chhunzawm a ni. He hunah hian mipuite pawhin inverter, battery hmang leh solar hmang eng te a theih chin chin an tithim a, lirthei tlan lai te pawh an awm hmunah dingin, motor engine leh eng te an tithi a ni. 

Saitual Bawrhsap, District Level Civil Defense Advisory Committee (DLCDAC) Chairman ni bawk, Dr. Lalngura Tlau chuan tluang taka Black Out Mock Drill zawh fel a ni chu lawmawm a tih thu sawiin, khawtlang mipuite pawhin ngai pawimawha, thu an zawm that avangin lawmthu a sawi bawk a ni.