2139/2026-2027

Saitual the 9th September, 2026:  Vawiin khan DC Conference Hall, Saitualah CM Special Package Phase-II hnuaia Progress partner-te tan Orientation Training neih a ni a, he hun hi Pu J. Lalawmpuia SDC, Saitual chuan a kaihruai.

He hunah hian Pu J. Lalawmpuia, SDC chuan kalkhawmte hnenah lawmthu a sawi a, Bana Kaih Handholding Scheme nihphung tlangpuite a sawifiah nghal a ni. Pu J. Lalawmpuia chuan Bana Kaih Scheme a hlawhtlin theih nan progress partner-te chu an pawimawh hle a ni, a ti a, thahnemngai leh taima taka hna thawk turin a fuih nghal a ni. Sawrkarin an chunga a rinna te ti thlawn lo a, theih tawp chhuah zel turin a chah bawk a ni.

Vawiina Orientation Training-ah hian Pu C. Christopher Lalhriatpuia, District Lead Resouce Person, DIC, DRDO chuan “Basic Bookkeeping”chungchang inzirtirna hun a hmang a, line deparment hotute leh Saitual District chhunga khaw hrang hranga CM Special package progress partner te telin, progress partner te hi Certificate leh Placard sem nghal an ni.