605/2025-2026

Saitual, the 28th May, 2025: Nimin khan DC Conference Room, Saitualah District Bawrhsap Dr. Lalngura Tlau kaihhruainain PM- Dharti Aaba Janjatiya Gram Utkarsh Abhiyan (DAJ-GUA) District Committee te chuan Dharti Aaba Abhiyan- Nationwide Awareness & Benefit Saturation Campaign neih dan tur relin an thu khawm.

He hunah hian Saitual Bawrhsap Dr. Lalngura Tlau chuan kalkhawmte hnenah lawmthu a sawi a, Sawrkar laipui scheme hrang hrang te chu hamthatna dawng thei tur te hnen a thlen chu sawrkar duh ber a ni, a ti. Bawrhsap chuan Saitual District-ah PM- DAJ GUA hnuaiah khaw thlan bik 32 a awm tih a sawi a, heng khuaah te hian Line Department te chuan DAJ GUA scheme chungchang te leh hamthatna dawn theih te inhrilhhriatna- Dharti Aaba Abhiyan- Nationwide Awareness & Benefit Saturation Campaign an neih ngai dawn a ni, a ti.

Bawrhsap chuan Sawrkar laipuiina mipuite tana scheme tha tak tak a duan te chu a mamawh te hnen a thlen theih nan inhrilhhriat that a pawimawh hle a ni a ti a, line department te chu service hrang hrang an pek chhuah theihah te tan la a, mipuite tana awlsamna siamsaktu ni thei tura hma la zel turin a fuih a ni.

Dharti Aaba Abhiyan- Nationwide Awareness & Benefit Saturation Campaign hi ni 15 chhung, 15th-30th June, 2025 chhunga neih tur a ni a. A hawnna (launching) programme hi June ni 15, 2025-ah DC Conference Hall-ah neih tur a ni ang.

He Thutkhawm hi District Bawrhsap Dr. Lalngura Tlau chuan a kai hruai a, PM- DAJ GUA District Committee member te leh sawm bik te an tel bawk a ni.