2394/2025-2026

Saitual, the 26th November 2025 : Vawiin chawhma khan DC Conference Hall, Saitualah Pu Lallawmawma, Addl DC kaihhruainain District Agricultural Marketing Committee (DAMC) vawi 10-na an thu khawm a, buyers seller meet-a stall hawnte, supervisor leh coordinator chungchang, SCC thar hawn leh PCC inthlan that chungchangte sawiho a ni.

Thutkhawm kaihruaitu Pu Lallawmawma, Addl DC chuan kalkhawmte hnenah thu sawiin Saitual District chuan hma a sawn zel thu a sawi a, kum lo kal leh turah pawh DAMC, Saitualte chuan felfai lehzuala hnathawka kutthnathawktute pawn an thawrchhuahte tam zawk an hralh theih nan theih tawp an chhuah zel dawn a ni, a ti.

Vawiin thutkhawmah hian District tina DAMC zawng zawngte chu Buyers Seller Meet 2025, Dec ni 5- 6 ah Aijal Club, Aizawla neih turah Stall hawng vek tura tih an nih angin Saitual DAMC atanga tel ve rel a ni a, hemi rual hian notified crop atangin Ginger sample for chemical residue testing tur lakkhawm nise an ti bawk. Heng bakah hian kum 2026 atana Supervisor leh Coordinator tur sawrkar officialte atanga inruatte ennawn anih bakah Secondary Collection Centre thar atana Maite khua hawn thar leh SCC panga(5) atangin Primary Collection Centre(PCC) inthlan that ngai khua 12 te chungchang ngaihtuah a ni bawk.

Vawiin thutkhawmah hian Pu Lallawmawma, Addl DC, Pi Hmangaihthangi Renthlei, DAO & DAMC Member Secretary, Pu Tharun Madala Padnaik,SDO(S) bakah DAMC memberte an tel thei a ni.