3550/2024-2025

Saitual, the 16th December, 2024 : Vawiin chhun dar 12:30 pm khan DC Conference Room, Saitualah District Bawrhsap Dr. Lalngura Tlau kaihhruainain District Agricultural Marketing Committee vawi 3-na an thu khawm.

Thutkhawm kaihruaitu Dr. Lalngura Tlau chuan District Agriculture Marketing Committee (DAMC) tum 3-na an thu leh thei chu lawmawm a tih thu a sawi a. Bawrhsap chuan thlai tharte hralh hun chungchangah inbuatsaihna vawr tawp a thlen tawh thu leh kum tharah chuan inhralh/ lei char char theih a nih tawh dawn avangin theih tawp chhuah leh zual turin society hruaitute a chah a, society hruaitu rintlak tak tak an awm chu lawmawm a tih thu sawiin, hna thiam sa an nih avangin an hah deuh a chang te awmin, dawh thei taka hna thawk zelin midangte tana kawng sah ensaktu leh hmahruaitu an ni dawn a ni, a ti. Bawrhsap chuan sawhthing rate tha taka hralhna a nih rual hian rilru puthmang siamthatna (moral reformation) a keng tel a, dik taka thil a kal theih nana ruahmanna a ni bawk a ni, a ti. 

He thutkhawmah hian tun dinhmuna Saitual District chhunga thlai lei duh tur (buyer) inziaklut tawhte an en ho a, heng zingah hian sawhthing lei duh mi 11 leh hmarcha lei duh mi 1 an awm a ni. MAMB atanga Sensitization fund DAMC-in an hmuh tur chungchang leh hman ral tawh dan en ho niin, thlai thar (identified crop) hralh record leh account vawn dan turte, a tir atanga uluka vawn tur a nih thute inhrilhhriat a ni. Tun dinhmuna Saitual District chhunga khaw hrang hrang Thlai thar (identified crop) rate te sawi ho tel niin, January 2025 a lo thlen hun a rate beisei dante thlir ho a ni bawk. Heng bakah hian Secondary Collection Centre-a Thlai thar (identified crop) lut thei tur beisei dante leh thlai lei duh te huam chin (operation area) chungchang thlir ho a ni. 

He hunah hian cluster hruaitute chu cluster tin ten rualkhai taka inrelbawl dan tur ngun taka ngaihtuahna lo seng a, ruahmanna mumal tak lo siam tura chah an ni. Hei bakah hian secondary collection centre-a hralh dan tur chungchangah mahni bial theuhah tihdan ṭha leh felfai zawkte, inkaihhruaina leh rawtna ṭha zawkte a awm theih nan whatsapp group te siamin hma lo la zui tura tih an ni. 

He thutkhawm hi Saitual Bawrhsap Dr Lalngura Tlau chuan kaihhruaiin Pu Lalhmachhuana, DAO, Pu Jacob Lalmalsawma, DHO, Pu Zairemkima, DCSO, Pi Zodingpuii, DIPRO, Pu PC Lallawmkima, AO, DRDO, Pu Lalnunpuia, Supdt, DC Saitual te bakah Sihfa, Mualpheng leh Hliappui Society hruaitute an tel a ni.