2723/2024-2025

Saitual, the 28th Oct 2024 : Vawiin chawhnu dar 1:00 khan DC Conference Room, Saitualah District Bawrhsap Dr. Lalngura Tlau kaihhruainain District Agricultural Marketing Committee vawi 2-na an thu khawm.

Thutkhawm kaihruaitu Dr. Lalngura Tlau chuan District Agriculture Marketing Committee (DAMC) tum 2-na an thu leh thei chu lawmawm a tih thu sawiin, kalkhawmte chy sawrkar policy te ngai pawimawh thar turin a chah a, hmalakna tur kawng hrang hrangah theihtawp chhuah tlang turin a sawm bawk. Bawrhsap chuan kumtluana rim taka thawktuten dik taka hlawkna tel ngei se a duh thu sawiin chumi tur chuan kalkhawmte chu tan lakpuiah a sawm nghal bawk a ni.

He thutkhawmah hian Mizoramin thlai thar pali (hmarcha, aieng, sawhthing leh hmunphiah) Saitual district chhunga lei duh turte chu District Agriculture Marketing Committee-ah inziaklut tura hriattirna chhuah chungchangte, Saitual-a khaw hrang hrangah 30th November hmaa Village Level sensitization neih dan tur te, DAMC chairman leh secretary ten joint account bank a hawn chungchangte, MAMB ten notified crop data an siam en dik nawn chungchangte, Thlai thar Secondary Collection Centre(SCC) atan a hmun thum tur tihchian te, Secondary/Auction Centre a society federation inrelbawl zel dan tur te, 6th December-a Buyers sellers meet neih dan tur chungchangte te bakah thil pawimawh hrang hrangte sawiho a ni.

Vawiin thutkhawmah hian Dr Lalngura Tlau, Saitual Bawrhsap, Pu SK Das, District Co-Operation Officer bakah line department aiawhte an tel a ni.