4300/2024-2025

Saitual, the 17th February 2025 : Vawiin chawhma dar 11:00 khan DC Conference Room, Saitualah, District Bawrhsap Dr. Lalngura Tlau kaihhruainain District Agricultural Marketing Committee vawi 4-na an thukhawm. 

He hunah hian Secondary Collection Centre atanga sawhthing thar chhuah beisei zat te, auction tura an inpeih dan leh ruahmannate thlirho niin, society ten zawhna hrang hrang an neihte sawiho zui a ni bawk.  

Thutkhawm kaihruaitu Dr. Lalngura Tlau chuan District Agriculture Marketing Committee (DAMC) tum 4-na an thu leh thei chu lawmawm a tih thu sawiin, February ni 20 atanga sawhthing lei/hralh chhuah a ni tawh dawn tih a sawi a, hei vang hian Saitual District chhunga society pasarih (7) te ruahmanna thlirho a ni, a ti. Bawrhsap chuan ruahmanna hmasa aia centre a tam tak avangin bial tin vawngtu officer ruatte leh secondary collection centre (SCC) enkawltu society te pawh theih tawp chhuah turin a sawm a ni.  

Pu Benjamin Chhakchhuak, Co-opted Member pawhin thu sawiin MAMB atanga ruahmanna thar awmte leh Farmers-te hnena sawhthing leina chu DBT hmanga pek tur a nih thu te, sawhthing lei leh hralh a awlsam zawk nan Mobile Application  buatsaih a nih thute a tarlang a. Hemi atan hian Pu Benjamin Chhakchhuak chuan SCC tin te chu PCC-te nen inbe pawpin farmers-te bank account details leh register felfai taka lo vawng tha turin a ngen nghal a ni. 

Vawiin thutkhawmah hian Secondary Collection Centre atana ruahman sa pasarih (7) atangin panga (5) an kal a, Digital Weighing Machine leh Mesh Bag an neih dan te sawiho a ni a, a la nei lo ten a rang lama an neih theihna tur kawng ngaihtuahho nghal a ni. February Ni 20-a sawhthing auction runpui hawn a nih huna Saitual Secondary Collection Centre - a Flag off na hun hman rel a ni bawk.   

Vawiin thutkhawmah hian Dr Lalngura Tlau, Saitual Bawrhsap, Pi Hmangaihthangi Renthlei, DAO cum Member Secretary, Pu Benjamin Chhakchhuak, Co-opted Member DAMC, Pu Zairemkima ,DCSO, Pu SK Das, District Co-Operation Officer, Pu Jacob Lalmalsawma, DHO, Pi Zomuansangi, DFDO, Pu Peter Biakthansanga, RO, S&WC, Dr H Vanlalhmangaiha, DVO, AH& Vety bakah line Department aiawhte, Sihfa, Mualpheng, Hliappui, Ngopa, Phullen Multipurpose Farming Society aiawhte an tel a ni.