1782/2024-2025

Dated Saitual the 28th Aug 2024 : Vawiin khan Saitual DC Office compound-ah District Hub for Empowerment of Women & One Stop Centre hmalaknain ni 100 chhung awh kal lai mekah Tree Plantation Drive cum Awareness Campaign hawnna neih a ni a, he programme ah hian kar tin theme hrang hrang hman tur niin tunkar theme atan Beti Bachao Beti Padhao leh Tree Plantation Drive kal pui tur a ni ang. Vawiina he hun hman naah hian Dr Lalngura Tlau, Deputy Commissioner, Saitual chu khuallian niin thing hi a phun nghal a ni.

He hunah hian Dr Lalngura tlau chuan thu sawiin Saitual District-a Mission Shakti bul tanna leh hmalakna a awm chu lawmawm a tih thu sawiin bul tanna chu lian lo mah se thil ropui takah a la chan ngei a beisei thu a sawi a, district chhunga hmeichhe chanvo leh dikna humhalh kawnga theihtawp chhuah a uluk taka hmathlir thui tak nei tur leh saitual town chauh nilo, district pum rilru pu chunga thawk turin a chah bawk. Ruitheih thil leh chhungkaw buaina hrang hrang avanga hmeichhe mangangte leh nun tleu tawhte ta a One Stop Centre a awm chu lawmawm atih thu sawiin rilru zautak leh rawngbawlna rilru pu chunga thawk turin a chah bawk.

Women and Child Development hnuaiah hian hlawm lian pui pui pathumah inthenin Integrated Child Development Service(ICDS), Integrated Child Protection Society (ICPS), Misson Shakti(Protection and Empowerment) te a awm a, Mission Shakti hnuaiah hian hlawm hnih ah inthen leh in Sambal(Safety & Security Of Women) leh Samarthya (Empowerment of Women) te a awm a ni.

He programme hi Pi Mary Malsawmkimi, District Mission Co-Ordoinator,DHEW, chuan kaihhruaiin One Stop Centre Councellor Pi jennifer Zothansangite'n thu an sawi bakah Anganwadi Pre school ten thing an phun bawk a ni.Tunah hian MISSION SHAKTI hnuaiah thawktu mi 16 awmin District Hub for Empowerment of Women (DHEW) staff - 4, ONE Stop Centre(OSC)staff - 12 an awm mek a ni.