2186/2026-2027

Saitual, the 11th September, 2026: Vawiin khan District Hub for Empowerment Of Women (DHEW), Women and Child Development hnuaiah District Level Implementing Committee on Mission Shakti, Beti Bachao Beti Padhao leh District Nutrition Committee chu an Chairperson leh DC ni bawk, Pu Srinivas Sadi, kaihhruaiin DC Conference Room-ah an thukhawm.

He hunah hian Chairperson leh DC ni bawk Pu Srinivas Sadi chuan thu a sawi a, line department-te chuan thawhhona tha tak an nei tih sawiin, chak zawka hma an lak zel theih nan theih tawp chhuah zel turin a sawm a, mahni zawn theuhvah chak taka hna thawh a nih theih nan thawhhona tha neih a pawimawh a ni, a ti. Bawrhsap chuan Anganwadi-te pawh a hmunah kal chilhin an dinhmunte enfiaha harsatna an tawhte hriat chian a tum thu a sawi a, Distirct Programme Office sakna tura hmalakna kal mek pawh chak lehzuala bawhzui a nih theih nan thuneitute hnenah thlen a tum thu kalkhawmte chu a hrilh bawk.

Vawiin thutkhawmah hian Pu V. Lalhmingliana, Child Development Project Officer, i/c District Programme Officer & Convener, DLIC(Mission Shakti) leh Pu Lalthansanga Sailo, CDPO, Ngopa ICDS & i/c Phullen ICDS-te chuan hmalakna tlangpuite PPT hmangin report an pe a, zawhna awm theite zawhna hun hawn a nih bakah sawifiah ngaite sawifiahna hun neih zui a ni. Heng bakah hian department dangte nena thawhhona kawnga hmalaknate sawiho a nih bakah Mission Shaksham Anganwadi leh Poshan 2.0 hnuaia nutrition chungchangte thlirho a ni bawk.

Vawiin thutkhawmah hian kumin 2026 FY chhungin Women Help Line 181-ah mi 344 in-report an awm thu ngaihthlak a ni a, Sakhi Niwas (Women Working Hostel) building luah mek chu chei that a, mi 25 tal an awm theih nan hmalakte rel a ni bawk. Tin, Anganwadi lama thawktute chuan harsatna an tawh mek zingah KYC update chungchanga portal-a harsatna an tawhte sawiin, anganwadi bungraw chhe tawh leh thlak ngaite siam thaa hmalak sak turin Bawrhsap chu an sawm bawk.

Vawiin thutkhawm hi hian Pu Srinivas Sadi, DC chuan a kaihruai a, Pu Tharun Patnaik Madala, SDO(S), Dr Zothanpari Chhakchhuak, Dy. CMO, Saitual District, Pu V. Lalhmingliana, CDPO, Mission Shakti, Pu Lalthansanga Sailo, CDPO, Ngopa ICDS & i/c Phullen ICDS , Pi Mary Malsawmkimi, DMC, WCD te bakah line department-te an tel a ni.