2013/2026-2027

Saitual, the 31st August, 2026: Vawiin khan District Level Narco Co-ordination Committee chu an Chairperson NCORD leh DC ni bawk, Pu Srinivas Sadi kaihhruaiin an thu khawn a, he thutkhawmah hian Pu Jacob Hlychho, Member Secretary, NCORD leh Addl SP ni bawk chuan agenda chhawp chhuahte NCORD memberte hriattirin sawifiahna a nei zui bawk.

Hun kaihruaitu Pu Srinivas Sadi chuan kalkhawmte hnenah lawmthu sawiin ruihhlo do kawngah theih tawp chhuah zui zel turin a sawm a, anmahni zawn theuhva hma an laknaah tha thlah lova nasa lehzuala ṭan la zui zel turin a sawm bawk.

Vawiin thutkhawmah hian District Level NCORD meeting hmasaa thu dahte thlirho niin sawi zui a ni a, line department hrang hrangten hma an lak theuhnate report ngaihthlak a ni. Report-a a lan danin Saitual DEF atangin 29th NCORD Meeting leh 30th meeting inkarah Heroin 3.341kg @ ₹6,68,20,000/-, Methamphetamine 72.514kg @ ₹58,01,12,000/-, Ganja 18.520kg @ ₹9,26,000/-, mihring - 15, lirthei - 6 te man a nih thu tar lan a ni a, Kum 2026 chhunga Saitual DEF ten vawiin thlenga an man tawh belhkhawm chu mihring - 83 , motor - 40 leh Damdawi 406.001 kg niin sumfaia chhutin ₹2,27,90,11,950/- a ni.

DCPU atangin naupang ruihhlo kaihhnawihah August 2026 chhungin JJB leh Helpline No. 1098-ah naupang ruihhlo ti thubuai thar ziah luh a awm lova, Special Drive - Children in Street Situation (CISS) hi Ni 28 Aug, 2026 ah Saitual khawpui chhung hmun hrang hrang-ah neih a ni. Group 3 ah inthenin, group tinah Police pakhat zel an tel a, Hotspot 10-ah te kal kual in endikna neih a nia , thubuai thar hmuhchhuah a awm lo.

Excise & Narcotics atangin ruihhlo man (seizure) hi Heroin gram 0.83 leh Ganja kung 70 tihchhiat a ni bawk. Addict enkawlna TBCC leh TNT-ahte ruihhlo ngai mi 6 enkawl tura thawn an ni.

Sub Hqtrs YMA chu vawi 7 an che chhuak a, mihring 14 man niin, mi 7 te chu Home ah dah an ni. Tictac-18.5, Sting- burte khatlo deuh, Chhin sen-48, Hasmila Bur -2 te man a ni a, heng bakah hian area chhung Branch hrang hrangah tleirawl leh rawltharte tan awareness neih a ni bawk.

SIB report atangin August thla chhung khan 34 AR ten Ngopa Police leh SIB Ngopa ten thu an pek angin Operation vawi 2 an neih a ni a, Heroin No.4 nia rinhlelh Soap Case 149, a rit zawng Kg 1.612 man a ni.

Heng bakah hian DEO hmalaknain Saitual Town chhunga School pakua(9) thlanchhuahte hnenah Drugs leh a kaihhnawih that loh zia awareness campaign neih a ni bawk.

Vawiin thutkhawmah hian Pu Jacob Hlychho, Member secretary, NCORD leh Addl SP, Pu Tharun Patnaik Madala, SDO(S), Lalhmingthanga, Asst Commissioner of Excise & Narcotics,pu K Lalthangvunga, President, Sub Hqtrs YMA, line Department hrang hrang aiawh, SIB(Ngopa) aiawhte bakah NCORD Committee member-te an tel a ni.