844/2025-2026

Saitual, the 12th June, 2025: Vawiin khan DC Conference room, Saitualah District Planning Committee (DPC) chu Pu Lallawmawma, Addl DC kahhruainain an thu khawm a, Dharti Aaba Janjatiya Gram Utkarsh Abhiyan (DAJ-GUA) hnuaia kum Financial year 2025-26 atana project proposal lo lut te an en ho.

He hunah hian Pu Lallawmawma, Addl DC chuan thu sawiin, DAJ-GUA chu tribal te tih hmasawn nana sawrkar laipui hmalakna pawimawh tak a ni, a ti a. Addl DC chuan line department te chu tihpuitlin leh enkawl chhunzawm theih tur mai bakah khawtlang tana tangkai tur project duan a pawimawh a ni, a ti a, DAJ GUA chuan tribal te tan hmasawnna a thlen ngei theih nan theih tawp chhuah turin kalkhawmte chu a fuih a ni.

Vawiin thutkhawmah hian line department atanga project proposal lo lut te en ho a ni a, heng proposal te hi ngaih pawimawh dan indawta remin, Planning and Programme Implementation Department-ah June ni 16, 2025-ah thehluh a ni ang. DAJ-GUA campaign hi June ni 15, 2025-ah hawn (launch) tur a ni a, awareness campaign hi June ni 30 thleng kalpui tur niin, Saitual District-a khaw hrang hrangah BDO kaihhruainain line department te chuan an kalpui dawn a ni. Saitual District-ah hian DAJ-GUA hian khaw 32 a huam a ni.

Vawiin thutkhawm hi Pu Lallawmawma, Addl DC chuan a kai hruai a, Pi C. Lalnunsiami, SRO-cum Under Secretary, P&PID bakah DPC member te an tel a ni.