1165/2025-2026

Dated Saitual, the 14th July 2025: Vawiin khan District Bawrhsap Dr. Lalngura Tlau kaihhruainain District Vigilance Committee on fertilizer(DVCF) chu DC Conference Room-ah an thu khawm a, fertiliser chungchangah district mipuite tana mumal zawka supply kalpui dan tur leh wholesale dealer te pawhin khaw tinah retailer mumal an neih theih dan turte ngaihtuah ho a ni. 

He hunah hian District Bawrhsap Dr. Lalngura Tlau chuan thu a sawi a, Saitual-in District a nih hnuah a vawikhatna atan District Vigilance Committee on fertilizer (DVCF) din a ni chu lawmawm a tih thu sawiin bul tan nan tha thar nena theih tawp chhuah turin kalkhawmte a sawm nghal a ni. Bawrhsap chuan India ram chuan agriculture-ah nasa takin hma a sawn na a, fertilizerah kan la intodelh lo hle a ni, a ti a, thlai engkim chu thar tha tur chuan fertilizer hman a ngai a, chu chuan hlawk zawk leh thianghlim zawkin lo neituten an chhawr bawk thei dawn a ni, a ti. Chutihrualin, fertilizer chuan loneitu leh mamawhtute kut a thleng zo lo fo thin chu pawi a tih thu a sawi bawk.

Chairman chuan fertilizer kawng bo a lo awm thin chu pawi a tih thu sawiin hun kal tawh chu theihnghilh a tun atanga bul ṭan tha a, dik taka theih tawp chhuah tlang turin a sawm a, AMFU lam leh dealer te pawh indawr tawnna kawngah thawhhona tha nei tur leh ṭan la thar turin a fuih bawk.

Pi Hmangaihthangi Renthlei, DAO pawhin thu sawiin Mizoram Sawrkarin District Vigilance Committee a din thute, fertilizer chungchanga sawrkarin hriattirna chhuah dante, gazetted a chhuah anih dante sawiin fertilizer kalphung sawifiahnate a neih zui a, department anga harsatna an tawhte leh a ngaimawhte committee-ah a thlen bawk a ni.

Vawiin thutkhawmah hian loneituten fertilizer mamawh DAO, DHO leh AMFU hruaitute hnena an thlen thuai theih dan turte, loneitute hnenah fertilizer a thlen zung zung theih dan turte, wholesale dealer-ten dan dik taka atam thei ang retailer an neih theih dan turte, Mukta fertilizer stock tih ral dan turte rel a ni a, Fertilizer Inspector, Pi Lalrindiki(ADAO) hnen atangin Monthly Enforcement Report(MER) ngaihthlak a ni bawk.

Vawiin thutkhawm hi Dr. Lalngura Tlau, DC & DVCF chairman chuan a kai hruai a, Pu J Rokima, Addl SP, Pi Hmangaihthangi Renthlei, DAO, Pu Jacob Lalmalsawma, DHO, Pu Michael Lalawmpuia, Asst.Commisioner of Tax, Pi Lalrindiki, ADAO, AMFU aiawh leh Brahmaputra Valley Fertilizer Corporation Limited (BVFCL) dealer panga(5), The Indian Farmers Fertilizer Cooperative Limited (IFFCO) dealer pakhat(1) te an tel bawk a ni.