991/2025-2026

Saitual, the 27th June, 2025: Vawiin khan Excise & Narcotics Department, One Stop Centre leh Kumpuan Committee Sub-Headquaters YMA tangkhawm buatsaih ruihhlo hman sual chungchang inzirtirna "Drug Awareness Campaign" chu Pu R. Lalruatliana O/C, Excise & Narcotics Saitual Station kaihhruainain District Higher Secondary School, Keifangah neih a ni. 

He hunah hian Pu R. Lalruatliana, O/C, Excise chuan thu a sawi a, ruihhlo hman sual that lohzia te tarlangin, ruihhlo zuar leh tawlh ru te chu dan hmangin na taka hrem theih an ni, a ti a. Excise O/C chuan ruihhlo kaihhnawih rukruk te chu Saitual District-ah ngei pawh a hluar hle tih sawiin, ruihhlo do tur chuan mitin te kan tan rual a pawimawh tih a sawi bawk. Pu R. Lalruatliana chuan zirlai naupangte chu ruihhlo laka fihlim theuh turin thian thlan kawngah te fimkhur a, ti chhin lo ngam turin a chah nghal a ni.  

Vawiin Drug Awareness Campaign hi Internal Day Against Drug Abuse & Illicit Trafficking 2025 programme kal zel a ni a. Vawiin inkhawmah hian Pu Ramengmawia, Excise & Narcotics Dept chuan hunserh hmangin, hun kaihruaitu Pu R. Lalruatliana Excise O/C bakah Pu K. Lalthangvunga, Chairman, Kumpuan Committee, Sub Hqr YMA leh Pi Jennifer Zothansangi, Councellor, One Stop Centre hnen atangin zirlaite fuihna thu ngaihthlak a ni bawk. Pu PC. Ramdinthara 2nd OC Excise & Narcotics Saitual Station chuan lawmthu sawinain hun a khar a ni.