2566/2026-2027

Saitual, the 8th October, 2026: Vawiin khan School Education Complex, Saitualah Thiamna Thûl, naupangte tana tangkai tur thil 30 lai awmna chu Saitual District chhunga Primary School 56-te tan sem chhuah a ni.

Pu R. Lalhmangaihna, Dy. DPC, Saitual District chuan hun kaihruaiin, Pu Laldingliana, District Education Officer leh District Project Coordinator ni bawk chuan thusawina hun a hmang a, thûl 56-te hi a vailiam nghal a ni.

Pu Laldingliana chuan Mizoram puma sem chhuah tur Thiamna Thûl chu Saitual District-ah pawh sem chhuah a ni ve ta hi lawmawm a tih thu a sawi a, zirlai naupangten hlim tak leh tangkai taka an chhawr theih nan a beisei thu a sawi. He Thiamna Thûl-ah hian school zirlai piah lama infiamna leh thiamna hrang hrang an chhawr theih turte a awm thu a sawi a, a dawngtu Primary School aiawh zirtirtu lo kalte chu school office-ahte dah bo mai lova, naupangten zalen taka an hman theih tura chhawp chhuah sak turin a ngen nghal a ni.

Vawiin inkhawmah hian Saitual District-a Primary School aiawhte leh DPC staff-te an tel a ni.