1817/2026-2027

Saitual, 15th August, 2026: Vawiin chhun khan India Independence Day vawi 80-na denchhena Saitual District Football Association (SADFA) buatsaih, Prof Lalnilawma MLA Trophy Saitual District & 9th Tawi A/C Inter Village Football Tournament 2026 final chu Keifang Centenary Sports Complex-ah khelh a ni a, P&E Minister Pu F. Rodingliana chu khuallian niin hun a hmanpui.

He hunah hian khuallian chuan thu sawiin tunlai khawvelah infiamna chu sum thawh chhuahna țha tak a ni tawh tih a sawi a, chumi piah lamah sual rawngbawl tur venna hmanraw țangkai tak a nih avangin țhalaiten kan uar zel a pawimawh a, a bik takin Mizo ten football kan hlutin World Cup phei chu kan tlaivarpui deuhthaw thei hial a ni, a ti. Khuallian chuan infiamna hmunhma te duat taka enkawl turin kalkhawmte chu a sawm a, infiamnaah chuan chak leh chak lo an awm thin avangin infiammite chu chaka awm dan leh chak loha awm dan thiam turin a chah a, malsawmna dawng turin a duhsakna a hlan bawk a ni.

Vawiin Independence Day Football Tournament final hi Pu H. Lalhmunliana, Treasurer SADFA chuan a kai hruai a, Capt. HS Ramkinlova, CO Saitual Bial chuan hunserh hmangin Pu Lalmuanpuia Hmar Honorary Secretary SADFA chuan report tlangpui a pe bawk. Pu Lallawmawma, Addl. DC leh sawrkar official dang ten lawmman hi an sem a ni.

Inkhelh chawlh "Half time" lai hian Dr. C Lalduhsaka chuan thu a sawi a, ruihhlo that lohzia te tarlangin, thalaite leh infiammite chu ruihhlo laka fihlim turin a chah a ni.

Vawiin finalah Keifang Venghlun VC leh Thingsulthliah VC-I te an intum a, Keifang Venghlun VC chu  3-2 in an chak a ni.