607/2024-2025

Dated Saitual the 30th may 2024: Vawiin chawhnu khan Govt Saitual College Auditorium-ah Dr Lalngura Tlau, ARO, DEO hovin Counting Officials te kum 2024 Lok Sabha MP General Election a Saitual District a Assembly Segment pathum, 8- Chalfilh, 9 Tawi leh 21 Lengteng te a vote chhiarna atana inbuatsaihna thawh khatna chu neih a ni.

DEO, Dr Lalngura Tlau chuan training tura kalkhawmte hnenah chuan thu sawiin June ni 4 hian India ramah 1.4billion voters result chhiar a ni dawn a, India ram rorelna sang ah seat 535 changtu a hriat tawh dawn a, India ram rorelna sanga thu tur vote chhiar theia an awm pawh chu inchhuanna tham a tling a ni, a ti a. Chuvang chuan an hna chu a pawimawh in mawhphurhna pawh a lian hle a ni, a ti.

Vawiin a Counting Supervisor leh Assistant te tan training thawh khatna buatsaih ahhian mi 65 telin mi 7 te erawh chhungkaw rokhawlhna avangin an tel theilo a ni. Pi Lalruatpuii Hnamte, Nodal officer - Counting Management chuan vote chhiar ni a an hriat tur tul leh pawimawhte hrilhfiahna neiin Pu Lalthakima, Election officer pawh in an hriat tur pawimawh thenkhat sawizauna a nei bawk. Naktuk, ni 31 May 2024 khian Micro Observers te tan training buatsaih tum a ni bawk.

Vote chhiar hi June ni 4 ,2024 ah  Saitual DC office building ah round thum a neih tur niin Assembly Segment 3 atan hian dawhkan 28 ruahman a ni.