1589/2025-2026

Saitual, the 8th August 2025: Nimin khan CMO Office Conference Hall, Saitualah, National Health Mission buatsaihin National Deworming Day August thlaa neih tur atan Orientation Training buatsaih a ni a, Saitual Town Area-a zirtirtute an tel a ni. 

He Orientation Training hi Pu Vanlalchhuanawma Health Supervisor CMO Office Saitual chuan a kai hruai a, an hun hlu tak senga training tura lo kal zirtirtute chungah lawmthu a sawi. Vawiin trainingah hian Resource Person atana ruat Dr. Rosiamliani Bawitlung, DPM chuan powerpoint presentation hmangin zirtirna a pe a ni.

Dr. Rosiamliani Bawitlung chuan National Deworming Day chu February thla 2025 khan hlawhtling taka an lo neih tawh thu a sawi a, an target ah 99.32 % lai an cover thu a sawi bawk.  Tun August Round chhung hian an target chu naupang 5711 hnena damdawi ei tir a ni a, thawhhona tha tak nei a 100% a hlawhtlinna an chan theih a beisei thu a sawi. 

Resource Person chuan  National Deworming Day in a tum ber chu School naupang te rulhlut damdawi-Albendazole ei tir vek a ni a ti a , naupang hriselna kawngah zirtirtu te chuan mawhphurhna sang tak an nei a ni, a ti. Naupang te thianghlimna leh faina kawngah zirtirtute chu an pawimawh hle a ni tih sawiin, zirlai naupang te chu an kum mil zel in damdawi an ei tir dan tur leh an ei hun bi a hrih fiah a, zirlai naupang te chu a tu amah hmaih lovin an mit hmuh lai ngeiin damdawi chu eitir ngei tur in a chah bawk a, damdawi a ei vang a naupang in harsatna a tawk a nih chuan Nodal Officer leh Sr MO Saitual ni bawk, Dr. Zothanpari chhakchhuak hnenah hriattir tur in a chah bawk a ni. 

He training-naah hian Resource Person chuan POCSO Act leh Anaemia chungchang hrilhfiahna a nei bawk a, kumtling lo naupang ten harsatna an tawh theih dan te a sawifiah nghal bawk a ni. He hun hmanna hi Saitual CMO Office Health Supervisor Pu Vanlalchhuanawma'n lawmthu sawiin a khar a ni.