2830/2025-2026

Dated Saitual the 8th January, 2026 : Vawiin khan Saitual Chawnpui hall-ah District Hub for Empowerment of Women & Women and Child Develpoment hmalaknain ni 100 chhung awh Child Marriage Free Bharat Awareness Campaign hawnna neih a ni a, he hunah hian Dr. Lalngura Tlau, Deputy Commissioner, Saitual chu khuallian niin hun a hmanpui.

Khuallian Dr. Lalngura Tlau chuan thu sawiin Saitual District tana DHEW & WCD hmalakna chu ropui a tih thu a sawi a, theih tawp chhuah zui zel turin a chah nghal a ni. Mizo zingah kum tling loa nau lo pai te, sawn lo thlak mai te, nupui lo nei ngawt maite, lo insawirem mai te an awm thin chu pawi a tih thu sawiin dan hnuaiah chuan a titute mai bakah a lo buaipuitute, hriatpuitute thlengin hrem theih an nih thu a sawi bawk.

Bawrhsap chuan kum tlinglova inneih leh nau pai chuan taksa leh rilru lamah nghawng tha lo tak nei zuiin fate ah piansualna hial a thlen thei a, rilru lam thlengin a nghawng thei a ni, a ti. Khuallian chuan ram innghahna leh hmasawnna rahbi chu chhungkua a ni a, ramin rohlu a neih chu chhungkaw tha a ni, a ti a, mipui tha leh ram tana chhawr tlak mihring kan neih tam chuan ramin hma a sawn thin a ni tih a sawi bawk.

Vawiin programme hi Pi Mary Malsawmkimi, District Mission Co-Ordoinator(DHEW) chuan kaihhruaiin khuallian Dr. Lalngura Tlau chuan thu a sawi a, Pi Lalramhlui, Gender Specialist (DHEW) hnen atangin Mission Shakti chungchang ngaihthlak a ni a, Pi K Lalrinsangi, Advocate, DLSA, Aizawl District hnen atangin Prohibition of Child Mariage Act 2006 chungchanga hriattur pawimawh hrang hrangte bakah kum tlinglova nupui pasal neite hremna chungchang inhrilhhriatna neih a ni bawk. He hunah hian Home league aiawh, BCM,ICI kohhran hmeichhiate bakah William Booth leh Govt Saitual Higher Secondary School zirlaite an tel a ni.