586/2025-2026

Saitual, the 26th May, 2025: Vawiin khan DC Conference room, Saitualah District Bawrhsap Dr. Lalngura Tlau, kaihhruainain Saitual District chhunga ni 15 chhung awh tur Central Scheme Viskshit Krishi Sankalp Abhiyan Campaign neih dan tur chungchang ngaihtuahho a ni.

He hunah hian Chairman Dr.Lalngura Tlau chuan thu sawiin, central programme tha tak tak leh mipuite hmasawnna tur a awm thin chu lawmawm a tih thu a sawi a, mipuiten tangkai takin chhawr zui se, ei leh barah hmasawnna rahbi thar duhawm tak thlen ngei se a duh thu a sawi bawk. 

He programme hi Central Scheme Viskhit Bharat@2047 vision hnuaia Ministry of Agriculture & Farmers Welfare, Govt of India in loneitute tana technology thar, hriatna zau zawk leh tunlai thiamnain a ken tel bungrua hrang hrangte inhrilhfiahna leh inhrilhhriatna tur niin, Agriculture leh a kaihhnawih department te bakah Bank hrang hrang aiawhte an tel a ni.  

Union Agriculture Minister Shivraj Singh Chouhan-an alo puan tawh angin, ram pum huap campaign hi May ni 29 atanga June ni 12 thleng a awh dawn a, Saitual district m-ah pawh hawnna programme hi May ni 29 chawhma dar 11:00, DC Conference Hall-ah hman a ni ang. He hunah hian Dr. Lalrosangi Fanai, Program Assistant, KVK Aizawl (Animal Science), Lalvensanga Pachuau, Farm Manager, M.Sc. (Soil Science), Dr. Samik Choudhury, Technical Officer, GKMS an tel dawn a ni.

Campaign hi Zone thum(3) Ngopa Zone leh Phullen Zone ah te  then niin Saitual Zone route map leh team memberte siam fel nghal a ni a, hetiangin, Saitual Zone : Team Leader - Pu Lalthakima Chhangte, SDO (Sadar), Team member : ICAR, Soil&KVK, AH&Vety aiawhte bakah DAO, DCO, APO (DRDO), SBI, MRB, MCAB leh DHEW aiawhte an kal ang, Ngopa Zone: Team Leader-Pi Dorothy Muansangi, SDO (Civil Ngopa),Team Member: Fishery Dept aiawh, DAO, ICDS(Ngopa) AH&Vety aiawh an kal ang. Phullen Zone : Team Leaders -  Pu Jacob Lalmalsawma (DHO) leh Pu Peter Biakthansanga (RO, S&WC), Member – AH &Vety, Fishery, DCO, ICDS aiawhte an tel ang. Saitual Dsitrict chhunga Bank Branch Managerte chu an awmna zone theuha tel tura tih an ni.

Vawiin thutkhawmah hian Dr Lalngura Tlau, DC, Pu Lalthakima Chhangte, SDO (Sadar), Pu Robert Zosangliana, LDM, Line department hrang hrang aiawh te leh  Bank hrang hrang aiawhte an tel a ni.