2030/2023-2024

Dated Saitual the 27th September 2023 : Vawiin khan Saitual District level Task Force on Ruihhlo Do committee buatsaih ruihhlo do awareness campaign Government Saitual College Auditorium ah neih a ni a, hemi pual a video clip siam intihsiakna lawmman hlanna hun hman a ni nghal bawk.

He hun a lawmman semna hun hmangtu Dr Lalngura Tlau, Saitual Bawrhsap chuan Mizoram ah ruihhlo do kalpui a nihna a rei tawh thu sawiin, kil hrang hrang atangin do a ni a, DC office lam in awareness; a la ti ve lo ten an tih ve loh nana hmalak te, Kohhran, YMA, Police, Social welfe leh education lam thleng in an theihtawp in anmahni zawn theuh ah an do a ni, a ti.

Dr. Lalngura chuan mihring a thil pathum awm, taksa rilru leh thlarau chu balance a pawimawh hle a ni, a ti a, zirlai kalkhawmte hnenah chuan tih chhin chakna laka fihlim a pawimawh hle a, chuvang chuan tuna kan hun hman dan hian nakin thleng a hril dawn avangin thutlukna fel tak siam a pawimawh a ni, a ti.

Ruihhlo Do programme hi Chief Minister hmalakna leh kaihhruaina in Social Welfare Department hnuai a kalpui a ni a. District tinah kalpui dan hrang hrang neih a ni a, Saitual District ahhian District level Task Force Committee din in ruihhlo do thupui a hmanga video clip siam intihsiakna leh awareness campaign neih a ni.

Vawiin hun hi Saitual Addl. DC, Pu Lallawmawma chuan kaihruaiin, Saitual Addl SP Pu Lalbiakzauva leh DIPRO Pu David A Lalhmingchhuana ten thusawina hun an nei a ni. Second session ahhian master trainer te atanga training neih niin College Zirlai thahnem tak an tel a ni.

Ruihhlo Do Video intihsiakna ah hian  lawmman pakhatna dawng tu hi Pu Michael Lalrinawma niin pahnihna hi Pu Roneihsanga a ni. Pakhat na hian lawmman cheng 30000 leh thuziak a kengtel a, pahnihna hian lawmman cheng 15000 leh thuziak a kengtel bawk a ni.