482/2024-2025

Dated Saitual the 15th May : Vawiin chawhma khan Gospel Centenary Hall, Saitual ah Workshop on Management of PM POSHAN neih a ni a, Pu Lalsangliana, Director, State Nodal Officer, School Education Department in he program hi khuallian niin a hman pui a ni.

Khuallian chuan kalkhawmte hnenah lawmthu sawiin, PM Poshan nihna a sawifiah a, MDM(Mid-Day- Meal)One Year Project chungchanga central lama hma an lak dante a sawi a. Khuallian chuan Saitual district pawh MDM tha taka an kalpui chu lawmawm a ti a , chutihrualin mizoram pumah tun dinhmun ah erawh ?an lak angaih thu sawiin june ni 30 ral hmaa MDM hi 100% a pek an nih loh chuan central lamin 33% hi state sawrkarin a tum angaih tawh tur thu sawiin , june ni 30 ral hma ngeia MDM hi 100% a pe ngei tura theihtawp chhuah angaih thu sawiin zirtirtu an inkokhawm chhan pawh a nih thu a sawi.

MDM pek chungchangah Mizoram hmun thenkhat atanga Network connectivity problem awm thin anga sawi chungchanga chhuanlam a awm thin chu thalo a tih thu leh heng te hi tam tak ah chuan thawktute an tan mar tawk loh vang a ni thin a ni, a ti.

Khuallian chuan Zirtirtu indaihlohna chungchanga sawi awm leh thin chu sawifiahin RTE in zirlai mila zirtirtu awm zat tur a sawi nen chuan mizoram chu la ziaawm tak a nih thu a sawi a, Udice-plus portal hmanga zirtirtu leh naupang awmdan te, schhol dinhmun te an hriat leh hmuh vek thu te leh sawrkar sum dinhmun thlir chungin rualkhai thei ang bera an sem rual thu te a sawi bawk.

He training ah hian Saitual Block huam chhung tangin PS 40 leh MS 36 leh Ngopa Block huam chhung atangin PS 17
leh MS 16 te an tel thei a ni.

Vawiin a Saitual a hun hman tak ang tho hi Ngopa ah pawh hman niin, Saitualah chuan Pu Lalsangliana, Director, State Nodal Officer, School Education Department a hmanpui a, Ngopaah chuan Pi Zohmingliani, Deputy Director, School Education Department in a hmanpui bawk a ni.