2154/2024-2025

Saitual, the 20th September 2024: Vawiin chawhma dar 10:00 am khan Zo-NIPUN District level reading competition chu Gospel Centenary Hall, Saitual kohhranah neih a ni a, Saitual District chhunga primary school naupangte chu thuziak inchhiarsiakah an inel a ni.

He hunah hian District Project Coordinator Pu Micky R. Lalenkawla chu khuallian niin thu a sawi a, NIPUN lampum National Initiative for Proficiency in Reading with Understanding and Numeracy chu a sawifiah a. NIPUN chu India ram puma hmalakna a ni a, a thil tum chu hriatthiamna nena lehkha chhiar leh chhiarkawp thiamte a ni tih a sawi. NIPUN Bharat hnuaia Zo-NIPUN chu Mizoram tana kalpuina niin reading competition an neih tur chu an hmalakna peng pakhat a ni, a ti. Khuallian chuan naupang kalkhawmte chu youtube maia inawmtlei loin lehkhabu tha chhiar tam turin a fuih a, faina chu changkanna a nih angina fai taka mahni inenkawl turin a chah a. Naupangte chu inelna thianghlim tak nei turin a duhsakna a hlan nghal a ni.

District level reading competition result chu hetiang hi a ni:

Class I: 

1st- Israel Ramdinthari, Govt. Primary School-II, Vanbawng  

2nd- Abraham Lalmalsawma, Govt. Primary School-II, Saitual 

3rd- Mami Lamngaihmoi, Govt. Primary School-III, Keifang

Class II:  

1st- Lalngaihawmi, Govt. Primary School-II, Keifang

2nd-  H. Lallawmkima, Govt. Primary School, Khawkawn

3rd- Vanlalhriathlua, Govt. Primary School-II, Saitual

Class III:

1st- Zonunsanga, Govt. Primary School-I, Khanpui 

2nd- Rosangzuali, Govt. Primary School-II, Ngopa 

3rd- Vanlallawmzuali, Govt. Selchhunga Primary School, Saitual

Class-IV:   

1st- TC Vanlalhriatpuii, Govt. Selchhunga Primary School, Saitual 

2nd- Lalrinpuii, Govt. Primary School-III, Suangpuilawn 

3rd- Lalruattluanga, Govt. Primary School-II, Ngopa

Lawmman hian thuziak cheimawi leh pawisai fai a keng tel a ni. He hun hi Pi Chhuanhlupuii, Addl. District Project Coordinator chuan  kaihruaiin, Pi R. Lalruatkimi, Project Assistant-in hunserh a hmang a. Khuallian Pu Micky R. Lalenkawla chuan thusawiin, report hi Pu R. Lalpandika, Asst. Programme Officer hnen atanga ngaihthlak a ni. Inelna leh lawmman semna zawhah hian Pu R. Lalhmangaiha, Dy. District Project Coordinator chuan lawmthu sawinain he hun hi a khar a ni.