No.1298/2021-2022

Aizawl the 8th July, 2021 : Aizawl DC chuan Salem Veng hmun thenkhat Containment Zone/Area-a puan anih thu a chhuah a. Hemi chungchanga DC thuchhuah chu a hnuai a mi ang hi a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chief Medical Officer, Aizawl West in zirchianna leh a tul anga hma a lak hnuin, Salem Veng hmun thenkhat chu Containment Zone/Area-a puan rawtna a rawn thlen a.

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin hnuaia Salem Veng hmun tarlan te hi ni 08.07.2021 (Ningani) Zing dar 4:00 atangin Containment Zone/Area-ah puan a ni.

Heng area chhungah hian Deputy Commissioner-in phalna a pekte, Medical duty, Security duty, helai hmuna duty pawimawh nei tura ruatte leh SOP for Containment Zone/Area vide Order No.C.16011/298/2020-DC(A)/Lockdown dt. 30.06.2021 in phalna a pekte bak mi tumah an lutin an chhuak tur a ni lova, veng leh veng inkalpawhna kawng (main road) erawh chu ding lova tlan tlang phal a ni ang. Containment Zone-a hman tura inkaihhruaina (SOP) siam chu mitinin zawm vek tur a ni.

SALEM VENG (Containment Zone/Area):
Chawngbawla Section : (Number of household – 6)
Pi Rokungi Colony, Pu Krawsthanga Colony leh Pu K. Lalrohlua Colony
Zampuimanga Section: (Number of household – 25)
Pu B. Lalsangliana in atanga Pu Rualkhuma in inkar, Slaughter house kawng thlang lam zawng, Pu R. Rosiamliana In huam tel lovin.
(Total Number of Household contained – 31) Buffer Zone:
Chawngbawla Section - Pu K. Lalrinmawia in atanga Pu Lalchungnunga In bul kawr
thleng.
Zampuimanga Section - Pu R. Rosiama In.

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.