Rural Development Department chuan dt. 13-16 October, 2015 chhung hian Aijal Club-ah MGNREGA hnuaia "District Technical Resource Team" te tan bik "SAMARTHYA" chungchang training a buatsaih.

Training ah hian Pi K. Lalrinzuali, Joint Secretary, R.D. Department in hun a hmanpui a. Pu Paul L. Khuma, Under Secretary and State Nodal Officer, Rural Development Department, Pu Zoremthara, B.D.O. Champhai, Pu Vanlaltanpuia, B.D.O. Sangau, Pu H. Lalrinpuia, B.D.O. Bunghmun leh Pu Saizama, A.E., DRDA, Aizawl ten training-ah hian zirtirna an pe a ni.

SAMARTHYA training ah hian MGNREGA hnuaia hnathawh phal (Permissible works), khawtlang tana rochun tlak zawka hna hrang hrang tana plan siam a nih theih nan a kalpui dan tur inzirtirna hun hman a ni. Central sawrkar in NREGA hnuaia sum a rawn pek chhuahah lang mai thei tura hna rochuntlak a awm zel theih nan te, khawtlang tana thahnemngaihna leh hmasawn zel na tur atan heti zawng hian hmathar lak leh a ni.