Vawiin khan State Agricultural Management & Extension Training Institute (SAMETI), Mizoram buatsaihin "Skill Development Training of Tractor Operator" ni 5 awh tur chu SAMETI Training Hall-ah Pu Rohmingthanga Colney, Director of Agriculture (Crop Husbandry) chuan a hawng.

Hawnna hun hi Dr. Baby Zaithanpuii Hmar, Faculty (Post Harvest Technology), SAMETI in kaihruaiin training a lokal te hi Agriculture Department hnuaia Custom Hiring Centre te an nih thu a sawi a.

Pu Rohmingthanga Colney chuan SAMETI-in hetianga Skill Development training pawimawh tak Tractor Operator te tana a buatsaih thei hi lawmawm a tih thu sawiin Mizoram-ah hian Custom Hiring Centre 103 te hnenah Tractor pek chhuah a nih tawh thu leh North East State bikah chuan Mizoram hi Custom Hiring Centre mumal taka kalpui thei awm chhun kan nih thu te sawi a, training tura lokal te hnenah a tak taka hmang nghal tur in nih avangin uluk leh taima taka training turin a chah bawk.

He ni 5 chhung training hi Er. Lalchhanliana, Executive Engineer, Agriculture Department leh Johnson Diesel Sales and Services atang te in Tractor lama mithiam tak tak ten an zirtir dawn a ni.

Attachment

  • Loading attachment...