1126/2025-2026

Siaha the 10th July 2025 : Sawrkar laipuia Ministry of Culture in June Ni 25 chu Samvidhan Hatya Diwas (Constitution Murder Day) a a lo puan tawh behchhanin Siaha District ah pawh he Ni pual hian hmun 4 ah exhibition neih tura ruahman a ni. He Ni hriatrengna puala exhibition neihna tur hmun te chu:

1) 11th July 2025: DRDO Conference Hall, Siaha, @10:30 AM onwards

2) 15th July 2025: BDO, Siaha RD Block

3) 18th July 2025: Art & Culture Department, MADC

4) 23rd July 2025: BDO Office, Tipa

Addl DC Pu Abraham Beirazi Khithie chuan heng exhibition-ah hian Siaha District mipuite a tam thei ang bera tel tum theuh turin a sawm a ni.

Samvidhan Hatya Diwas hi Kum 1975 June ni 25 ah India ram Prime Minister Pi Indira Gandhi in Article 352 hnuaia Emergency a puan champha puala hun hman a ni a, kumin hi a kum 50-na cham a nih angin Central Sawrkar chuan hetianga hmang tur hian ruahmanna siamin mipuite dikna chanvo inzirtirthar lehna leh Democracy ram tana Danpui (Constitution) a pawimawh thu inzirtirna hun puala buatsaih a ni.