Vawiin hian Sangau BDO Conference Hall ah Sangau Block huam chhunga Village Council Member ten Rural Development Department hnuaia Scheme hrang hrang te zirchianna (Orientation Training) an nei a, Sangau Block Development Officer Pu Vanlaltanpuia leh BDO Staff ten zirtirna an pe.

Pu Vanlaltanpuia chuan, Sangau Block chhunga Village Council member te zingah Rural Development hnathawh dan leh hmachhawp te mumal taka zirchianna la neilo engemawzat kan awm avangin training hi buatsaih ani a ti a, khawtlang hmasawnna hnate chu Village Council kaltlanga thawh a nih avangin hnathawh dan hriat tlan leh thawhhona tha neih zel nan a tangkai ngei kan beisei a ni a ti. VC member te chu inpe zo taka hnathawk thin tur leh an pawimawh zia hrereng tura chahin an mawhphurhna hrang hrangte a hrilh ani.

He Training hi Pi HC Lalrindiki, Addl Programme Officer, MGNREGS in a kai hruaia, Technical Assistant pahnih Pu Ngurnuntluanga leh Pu LD Thuama Vuangtu, leh Pi Lalbiakmawii, Account Assistant ten zirtirna an pe a, chawhnu lamah sawihona hun an hmang bawk.