1743/2025-2026 

Kolasib Dated, the 6^th October, 2025: Pu Robert C. Lalhmangaiha, District Magistrate, Kolasib chuan a hnuai a mi ang hian Sangha man nana Gelatin hman khap chungchanga district mipuite hnena thupek a chhuah.

Tunlai hian Kolasib District huam chhungah Sangha man nan Gelatin hman a nih thu leh heng Gelatin te hi a hman na tur diktak, lung halna atana pek chhuah anih anga hmang lo an awm tih hriat a ni a, Gelatin te hi dan in a phal anga hman theih chauh a ni a, mimal accident leh piansual phah tamtak an awm tawh a, thenkhat in chenna in leh tuizem tana hlauhawm in lung halna atan an hmang tih hriat a ni bawk a.

Hetiang anih avang hian dan lo anga Gelatin leh puak thei thil kan hman thin te hi Explosive Act, 1884 Section 9B (b) dan kalh tlat a ni a, mipuite kan him tlan zawk theihna turin khapna thupek chhuah a tul a.

Chuvangin, Robert C. Lalhmangaiha, District Magistrate, Kolasib District, Kolasib chuan Section 163 of Bharatiya Nagarik Suraksha Sanhita, 2023 in thuneihna min pek angin hetiang hian thupek a chhuah.

1. Kolasib District huamchhungah mi tumah in Gelatin Sangha man nan emaw chenna in bul hnaia lung lak nan emaw phalna nei loin an hmang tur a ni lo.

2. Kolasib District huamchhungah mi tumah in phalna nel lo in Gelatin an kawl tur ani lova, an hralh tur a ni hek lo.

3. Hetianga dan lova Gelatin hmang te an awm anih chuan YMA, Village Council leh OC hnai vai berah report vat thin tur a ni.

He thupek hian chhuah anih atanga ni 60 chhung a huam ang a, dan bawhchhia an awm chuan Section 223 of Bharatiya Nyaya Sanhita, 2023 hmangin hrem an ni ang.

He thupek hi ni 1 October, 2025 hian Court Seal nen nemnghetin hming a ziak hnan a ni.