Sangha (Table Fish) tharchhuah kawnga mahni State chhung chawmzo thei tur ruangam ruhrel ngialnghet siam turin hma lak mek a ni a. Infrastructure for Fisheries Development siam tur hian Pu P.L. Thanga, IAS (Rtd.) Member Secretary, Planning Department leh a tawiawmtu Technical Officer ten Mamit District a sangha note Nursery nimin ni 7 July khan a hmunah Sawrkar leh mimal siamte an tlawh kual a. Sangha no tha tharchhuah dan tur, sangha dil neitute hnena sangha chi tha leh an  thanduan  theihna  tur kawng hrang hrang chhipchhiar takin a sawipui. Public, Private Partnership (PPP) model zulzuia kal zawk hi hlawhtlin nan a thlanawm zawk em tih pawh Pu P.L. Thanga ho hian zirchianna survey neih nghal a ni.

Sawrkar flagship NLUP Programme hnuaiah hian sangha vulh thlangtute mamawh sangha note vaibelchhe 2.45 (crore) tling tura ngaih a ni a. Sangha note hrisel leh tha ngei pek theih tumin a hmunah ngei Mizoram chhunga sangha nursery te hi tlawh an ni bawk a ni. Sangha vulh theihna hmun potential area leh tuilak dan turte enthlithlai nghal a ni bawk.

Sangha nursery leh a  khawina bakah hian NLUP hnuaia zawl tui chawmna buatsaih a leilet buh leh thal thlai thar theihna tur survey neih tel nghal a ni bawk.