No.1167/2021-2022

Aizawl 29th June 2021: Aizawl DC chuan Saron Veng hmun thenkhat Containment Zone/Area-a puan tawh chu puan belh a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin Saron Veng hmun thenkhat chu Containment Zone/Area-ah puan a lo ni tawh a. Chief Medical Officer, Aizawl East in zirchianna leh a tul anga hma a lak hnuin Saron Veng hmun thenkhat, Containment Zone/Area-a lo puan tawh sawrzim leh chu kai thar an awm belh zel avangin hmun thenkhat Containment Zone/Area-a puan belh a rawn rawt a. He rawtna ang hian a hnuaia Saron Veng area hmun tarlante hi ni 28.06.2021 (Thawhtanni) Zan dar 10:00 atangin Containment Zone/Area-ah puan belh a ni.

SARON VENG ( Containment Zone/Area puan belhna):

Taitesena Section – Pu Vanlalmawia Building.
Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.