4073/2025-2026
Dated Serchhip, the 20th January, 2026: Kum 2026 chhunga Mizoram Sawrkarin Mizoram Agricultural Marketing Board (MAMB) kaltlanga sawhthing support price a pek dan tura hriattur pawimawh te:
1. SCC kaltlanga sawhthing support price dawng thei tura hralh theih hun chhung hi February ni 2 atanga May ni 30, 2026 inkar a ni ang.
2. PCC hriatpuina lehkha neilote chu SCC-ah sawhthing hralh phal an ni lo.
3. Sawhthing support price dawn beiseilo te chuan an duhdan ang leh tha an tih angin engtiklai pawhin an tiral thei reng a ni.
4. Sawhthing hi thil chhe hma tak a nih avangin DAMC-in hriattirna a pek hma chuan sawhthing lo cho lawk loh tur a ni. Hei hian a tha lo zawnga nghawng thui tak a neih theih avangin kan zawm ngei tur a ni.
1. 5.Sawhthing pack-na tur mesh bag sawkarin a pe dawnlo a, mamawhte tan Pu Lianthangpuia, Phone No. 9862376412 hnenah lei theih a ni. A bale-a leiin Rs. 10/- per piece a ni a, retail chuan Rs. 12/- per piece a ni.
5. PCC-ten SCC-ah sawhthing quality tha chauh an dah lut tur a ni a, sawhthing tha lo dahte chuan support price an beisei thei lo ang.
6. Sawhthing hralhtu tur ten anmahni hminga bank account an nei vek tur a ni a, midang account hman phal a ni lo.
7. Buyer-in SCC-a sawhthing a hralhna pawisa hi SCC bank account-a lut tur a nih avangin, joint account hawngtute - SCC Chairman leh Manager te an inthlak a nih chuan Bank lamah update tura ngen leh hriattir an ni e.
