DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/sawrkar-hmalakna-avangin-sairang-guwahati-rel-tlan-hun-tihdanglam-a-ni-dawn-lop

SAWRKAR HMALAKNA AVANGIN SAIRANG-GUWAHATI REL TLAN HUN TIHDANGLAM A NI DAWN LO

2785/2025-2026

Dated Aizawl, the 31st December, 2025 : January 1, 2026 atanga Sairang leh Guwahati inkara rel tlan hun tihdanglam chuan Mizoram mipuite tan harsatna a siam tur thu Mizoram sawrkar hotute’n Northeast Frontier Railway hotute hnenah email thawnin an hriattir a. He thu hi ngaipawimawhin, Northeast Frontier Railway (NFR) chuan an Headquarter leh Ministry of Railways lam an rawn hnuah, NFR General Manager chuan hriattirna a tichhuak a; Sairang-Guwahati Express rel no. 15609/15610 tlan hun January 1, 2026 atanga tihdanglam chu sût a ni a, tuna a chhuah hun pangngai-ah a chhuak zui zel dawn tih a tarlang a. Silchar-Sairang rela Vistadome coach tlantir tur chungchang pawh ngaihtuahho mek a ni.