Vawiin ah khan  Fisheries Department chuan an Directorate ah nikum chhunga Aizawl District  huam chhunga luiluang sangha humhalhna kawnga hnathawk tha zual NGO hrang hrang intelkhawm pawl 5 (panga) hnenah sangha humhalh kawnga an hnathawh that lawmpuina leh an hma lak zelna puitu atan tanpuina Rs 40,000/- theuh  a hlan.

He incentive cash award hlanna programme hi Director Pu B.D.Tyagi in a kaihruai a, Thiak Branch YMA leh Samlukhai Branch Y.M.A ,Tlawng dung Humhalh Joint Committee, Keifang Fisherman Association, Joint Y.M.A Saitual leh Joint Y.M.A Khawruhlian ten lawmman hi an dawng a ni.

Tlawng dung Humhalh Joint Committee ah hian Aibawk, Sateek leh Bawngthah khua V/C leh Y.M.A Branch an thawkhova, anni hian Tlawnglui, Tuizochhuah atanga Tuithau chhuah thlengin an humhalh a ni.Thiak Branch YMA leh Samlukhai Branch Y.M.A  tangkawp hi Changte lui hnar leh he luite in Tlawng lui a finna thleng humhalhtu te an ni a.Lawmman dawngtu dang  Keifang Fisherman Association chuan Tuivawl lui dunga sangha chu len hmang chiah a man tur in hma an la a, Tuivawl leh a chhehvel luite ah te Dynamo, chinai, bomb leh sanghamanna hrisello hman te an khap a ni.

Joint Y.M.A Saitual hian Saitual tlak lam awmi Thingnghing lui dung in Tuirini afinna thlenga  veng thin in he luidung a sangha leh nungcha te an humhalh a ni.

Joint Y.M.A Khawruhlian hian Khawruhlian khua chhehvela  awm lui lian deuh deuh -Tuirial, Tuirini leh Tuiphu lui te an humhalh thung.