Vawiin khan Melthum leh Falkawn inkar kawngpui dungah Green Mizoram hmanna chi khat atan plot 35 ah Sawrkar Department hnathawk thahnem tak  chuan thingtiak phun leh nikum lama an lo phunna hmunte sam fai  hna an thawk. Hnathawk tur hian Department hrang hrang leh Secretariat atangin mi 200 chuang an rawn thawk chhuak a ni.

Vawiin hnatlang hi 'State Level Committee on Green Mizoram' ten an lo rel tawh bawhzuina ni in Department tin te chu an mahni Department bil a thing an phun te a puitlin thlengin uluk taka enkawl tur a tih an ni. Department thenkhat thingphun enkawl remchanglo a awm a nih chuan a bul hnai  khawchhung NGO te hnenah hlan chhawn a nih tur thu leh a enkawlna(maintenance) chu thing phuntu department in tumsak tur a ruah hman  ruahmanna siam a ni. Thingphun te hi an nung that hlawm hle laiin hmun thenkhat ah erawh chuan leimin in a tichhe ve nual bawk niin hnatlang thawktu te chuan an sawi.