No.7039/2020-2021

Sawrkar Laipui Ministry of Housing & Urban Affiars   buatsaihin vawiin chawhma dar 11:00 khan ram pum huap program Light House projects lungphum phumna leh ‘PMAY (Urban) & ASHA – India Awards’ semna chu Prime Minister Pu Narendra Modi hovin Video Conference kaltlanga neih a ni a. Sawrkar Laipui Minister of State, Housing and Urban Affairs Pu Hardeep Singh Puri bakah State pasarih – Andhra Pradesh, Tripura, Jharkhand, Uttar Pradesh, Madhya Pradesh, Gujarat, Tamil Nadu Chief Minister te leh India ram state tin aiawh sawrkar mi pawimawh te an tel a ni. 

PMAY (Urban) Scheme chu khawpuia cheng mahni in la neilo te tana in sak tanpuina Scheme niin PMAY (Urban) Award hnuaiah hian lawmman dawn theih category hrang hrang paruk (6) a awm  a, chung te chu:

1. Best Performing State
2. Best Performing Municipal Corporation
3. Best Performing Municipal Council
4. Best Performing Nagar Panchayat
5. Beneficiary Award for Best House Construction
6. Special Award for Best Practices and Innovation

Heng Award hrang hrangah te hian lawmman pakhatna atanga pathumna thleng siam zel niin, a hrangin ‘North East Region & Hilly States Category’ atangin award dawng tur thlan an ni bawk. 

Vawiin program ah hian Mizoram atangin award pali (4) dawng an awm a. Lawngtlai khua, Mizoram chuan ‘Best Performing Nagar Panchayat (NER & Hilly States Category)’ ah Lawmman pahnihna (2nd position) an dawng a.

Best House Construction (mimal in sa tha) hnuaiah India ram pumpui atangin mi 88 (beneficiaries) in he award hi an dawng a. Mizoram atangin Best House Construction Award hi mi pathum (3) in an dawng a ni:

1.    Pi VL Thanpuii & Pu RK Lianzuala te nupa, Saidan, Kolasib District.

2.    Pi Rothanmawii, Rengtekawn Kolasib District.

3.  Pi Lalhmangaihzuali & Pu P.Lalhmachhuana te nupa, Salem Veng, Lunglei District.

Lawngtlai District aiawhin NULM District Project Officer/SDO (Sadar) Pu V.Lalruatliana hovin Best Performing Nagar Panchayat (NER & Hilly States Category)’ hnuaia Lawmman pahnihna (2nd position) chu Video Conference kaltlangin an dawng a. Kolasib District-ah Additional DC Pu Lallawmawma leh Lunglei District-ah SDO (S) Pu M. Misael hovin a kaihhnawih official-ten an District hnuaia Best House Construction Award dawngtute an telpui bawk a ni.  

Vawiin program ah hian Prime Minister Pu Narendra Modi chuan India ram state paruk - Uttar Pradesh, Tripura, Jharkhand, Tamil Nadu, Gujarat, Madhya Pradesh chhunga khaw pakhat theuha (Lucknow, Agartala, Ranchi, Chennai, Rajkot, Indore) kalpui tur, technology hmang tangkaia khawpui mi harsa te tana insak project - Light House projects (LHPs) lungphum phumna hun a hmang bawka. Uttar Pradesh, Tripura, Jharkhand, Tamil Nadu, Gujarat, Madhya Pradesh Chief Minister-ten anmahni State theuha he Light House projects (LHPs) kalpui an tum dan chungchang thusawina hun an hmang theuh bawk.