300/2026-2027

Dated Serchhip, the 27th April 2026 : Vawiin khan Sawhthing lakkhawm leh hralh chungchangah District Agriculture marketing Committee Chairman Pu Paul L. Khuma hovin Serchhip District-a Secondary Collection Centre (SCC) hrang hrangte hnathawh dan leh hmasawnnate thlirletna DC Meeting Hall-ah neih a ni a, Serchhip District-a SCC Supervisor theuhte he thilrletna hunah hian an tel a ni.

Serchhip District-ah hian SCC pariat (8) - Serchhip, Chhingchhip, Khawlailung, Thenzawl, E. Lungdar, N. Vanlaiphai, leh Lungpho leh Mualchengah te a awm a; February 2026 atanga Sawhthing lakkhawm hna thawh tan a nih atanga April ni 18, 2026 thlenga report tlangpui chu hetiang hi a ni :

1.    Thenzawl: Bag 10,901 dah luh niin, Kg 3,21,867 an hralh tawh a, godown-ah bag 2,535 a la bang.

2.    Serchhip: Bag 8,465 dah luh a ni a, Kg 1,65,446 hralh tawhin, godown-ah bag 2,476 a la bang.

3.    Lungpho: Bag 7,202 dah luh a ni a, Kg 1,81,650 hralh tawhin, godown-ah bag 889 a la bang.

4.    Chhingchhip: Bag 5,508 dah luh a ni a, Kg 2,59,448 hralh tawhin, godown-ah bag 214 a la bang.

5.    Mualcheng: Bag 4,937 dah luh a ni a, Kg 43,585 hralh tawhin, godown-ah bag 1,315 a la bang.

6.    Khawlailung: Bag 3,613 dah luh a ni a, Kg 1,34,612 hralh tawhin, godown-ah eng mah bang a awm tawh lo.

7.    E. Lungdar: Bag 1,590 dah luh a ni a, harsatna eng eng emaw avangin hralh chhuah a la ni lo va, RWFPC te nen a rang lama hralh chhuah ve thuai a nih theih nan hma lakzui nghal tura rel a ni.

8.    N. Vanlaiphai: N. Vanlaiphai SCC hi vawiin thutkhawmnaah hian an tel loh avangin report hriat theih a ni rih lo.

Vawiin thutkhawmah hian Buffer Stock chungchangte, E. Lungdara harsatna an hmachhawn chungchangte leh a chinfel dan turte sawi ho a ni bawk a; Bawrhsap Pu Paul L. Khuma chuan SCC supervisors-te hmalakna fakawm a tih thu sawiin, theihtawp chhuahtlang zel turin a sawm a ni.