Kum tin SCERT-in a buatsaih thin angin kumin pawh hian State Level National Talent Search Examination (NTSE) - 2013 chu November ni 17 khian a buatsaih leh dawn a. He Exam hi kumin a pawl 10 zir mek ten an bei thei ang a. SCERT hotute chuan Principal leh Headmaster zawng zawng te chu dilna form hi an District-a Principal DIET/DRC office-ah a lak thei a ni tih a hriattir a. Aizawl khawpui chhunga sikul te hian dilna form hi SCERT Office atangin an la thei ang. Dilna form hi October ni 15 aia tlai lova an lakna office ah thehluh leh tur a ni ang.

State Level NTSE Exam a tling te hian ram pum huap NCERT Delhi buatsaih NTSE Exam an hmachhawn thin a. NTSE Exam a tling te hi NTSE Scholar tiin NCERT chuan Pawl 11atangin an zirna an zawh thlengin thla tin Scholarship an pe thin a ni.