Vawin khan School Education Department hnuaia Officer-te tan Training for Educational Officers chu School Education Directorate Conference Hall- ah neih a ni a. Pu K. Lalthawmmawia, Director School Education Department chuan he Training hi a neih pui. 

Pu K. Lalthawmmawia School Education Department Director chuan Education kalpui danah Board Result-a intlansiak ringawt a tawk lova, Value System siamdik hi a pawimawh a ni a ti. Division tha taka Pass an tam a, chhawrtlak an tlem leh si a, College leh University-ah mahni paper pawh chianglo an tam thin a, Education a thawktuten tan lak a ngai hle a ni a ti. 

Director chuan ram a changkang zel a, Data dik kan mamawh zel a, a dik thei ang ber in pek thin tur a ni. Officer-te chu intat hriam a, inpekna thuk zawk nen a, thawk tur te, Sorkarin tul leh pawimawh a tih apiangte hlenchhuak a theihtawp chhuah turin a fuih a, Department hmalakna tithuanawp thei mimal hamthatna ngaih pawimawhna nei lo turin Officer-te a fuih bawk. 

He Training-ah hian Establishment and Service Matter chungchang Pu Lalmuankima, Superintendant Directorate of School Education-in zirtirna a pe a, zirna siamthatnaa hmalakna tur Shaala Siddhi chungchang Pi Zoliani Hnamte Dy. Director, Directorate of School Education in a sawifiah bawk. 

Chawhnu lamah 'RAA and Sensitization Programme on Children Science Congress' tih chu Dr. Rita Zomuanpuii, Women Scientist (A) Department of Biotechnology, Mizoram University in a sawi bawk a ni. 

He Training-ah hian School Education Department hnuaia Officer-te, SSA leh RMSA Offices, State leh District-a awmte an tel kim hle a ni.