441/2026-2027

Dated Aizawl the 8th May, 2026 : Vawiin khan  Aijal Club-ah School Education Minister Dr Vanlalthlana'n Mizoram Education Inspecting Officers' Association General Conference a hmanpui. 

Minister Dr Vanlalthlana chuan he hunah hian thusawiin Inspecting Officer te chu zirna kawnga an thawhhonaah lawmthu a hrilh a. Zirna kawnga an thawhhonaah  danglamna an siam chho zel tih sawiin dawih taka ke pen an tum lo tih a sawi. Tun hnaia danglamna an siam chu thawhhona rah a ni a, officer leh zirtirtute thawhrimna rah a ni tih sawiin Chief Minister nen an lawmthu a sawi.

Minister chuan tun hnaia result an tih chhuah dan chu thil thar a ni lova Board lianah leh state dangah pawh an hman lai reng a ni  tih a sawi a. Zirlaite hian an examah hian mark hnih khat lekin Division sang an pha lo thei a, mark hnih khat leka dinhmun inthlau taka dah hi naupang zirna lama chak lo zawk tan a tha lova, a titha tan chuan mark sang an hmuh hian an lawm thova, a tichhe deuh tihnual thei division hi tul an ti lo tih a sawiin zirna lama mi entawn Finland phei chuan kum 20 chuang ranking hi an kalpui tawh lo tih a sawi. 

Minister chuan Inspecting Officer te chu Performance Grading Index-ah hma kan sawn theih nan ngaihtuahna hmang zel tur leh a tul chuan workshop cum round table conference te pawh huaihawt turin a sawm bawk. 

Minister chuan kan kutah kan ram hma lam hun hi a awm a, dam chhung daih danglamna thlen tura ke kan pen tlan a ngai tiin officer rual te chu a sawm a ni. 

MEIOA General Conference-ah hian an paw hmalakna tur chi hrang hrang an rel a, an pawl hruaitu tur an thlang thar bawk. President : Pu PC Lalngaizuala Vice President: Pu JR Lalhruaitluanga,  Gen Secretary : Pu Vanlalchhana, Asst Secretary: Pu Andrew Lalrintluanga, Information Secretary: Pi K.Lalsiamliani, Finance Secretary : Pi Jenny MS Dawngkimi, Jt Secretary: Pu C.Lalthanzira, Treasurer: Pi Carolyn Rinthanpuii te an ni. 

MEIOA Conference ah hian Pi K.Lalsiamliani chuan lawmthu a sawinaah Mizoram sorkarin tun hnaia a tha zawnga danglamna a thlen hnalakah advertisement chhuah ziah te, aikal tih tawp te, Quarters sak hnathawh tha an tih thu te leh sorkarin zirna kawnga hma a lakna hrang hrang lawmawm an tih thu a sawi. 

MEIOA General Conference hi session li-ah an then a, report an ngaihthlak bakah rorelna leh inthlanna hun te, member pension thlahna leh Khuallian programme ti tein hun anhmang a,  member 48 an awm mek a ni.