Vawiin chawhma dar 11:00 khan St. Lawrence School, Ramthar, Aizawl chuan an kum 25 tlin, Silver Jubilee an lawm a, he hun hi School Education Minister Pu H. Rohluna chuan khuallian niin a hmanpui a, Bishop Stephen Rotluanga chu khualzahawm a ni.

Pu H. Rohluna chuan Silver Jubilee thleng theia zirna tha tak kalpuitu St. Lawrence School chu  a lawmpui thu sawiin  a lawmpui nan Computer Set 1 a pe a, zirlaite chu chhawr tlak thiamna nei tura an zirlaite zir tura fuihin zirtirtute pawh  zirna tha Quality Education pe chhuak tura theihtawp chhuah turin a chah bawk.

St. Lawrence School Silver Jubilee pual hian tukin dar 9:00 khan  Bishop Stephen Rotluanga’n Holy Mass a hlan a, chawhnu lamah  St. Lawrence School Alumni buatsaihin St. Lawrence School zirlai tithate hnenah chawimawina hlan  a ni a, hemi hnu hian Concert neih zui nghal a ni.