School Education Department chu a hnuai ami ang hian thuchhuah an siam:

Mizoram sawrkarin Primary School atanga High School chin School zawng zawng hawn ni atana April 1, 2015 a ruat angin Mizoram hmun hrang hrangah tha taka School hawn a ni a. District hrang hrang atanga report dawn danin, 1.4.2015 hian School Timing thar, zing dar 8-ah School hawn deuh vek a ni a, class erawh chu an nei mumal nghal lutuk lo a ni.

Sawrkar thupek ngai pawimawha School hawn a ni hi School Education Department hotuten lawmawm an ti hle a; Mizoram sawrkar phalnaa din School hrang hrang te’n School Timing thar chungchanga sawrkar thupek hi an zawm that leh zawm that loh School Education Department chuan uluk takin a en zui zel dawn a ni.