Kumtina tih thin Science leh Mathematics a ti thate hnena tangka fai lawmman semna inkhawm chu vawiin khan Vanapa Hall ah neih a ni a. MBSE President Rev. Dr. Lalchungnungan a hmanpui a ni.

Hetiang tangkafai lawmman hi kum 1978 atanga siamchhuah a ni a. Kumtinin he cash award hi hlan thin a ni a, tun hi a vawi 35 na a ni. Hetiang lawmman dawng thei turte chu HSLC, HSSLC exam result atang leh Class IX & XI promotion examination result atanga science leh mathematics subject a titha zual bik te tan a ni.

Tuntuma lawmman dawng zat chu HSSLC ah mi 20; HSLC ah mi 58; Class XI ah mi 13 leh Class IX ah mi 34 an ni a. 1978 atanga 2011 thlenga hetiang lawmman dawng tawh zat chu mi 5581 niin Rs. 40,24,100/- lai sem a ni tawh a ni.

Khuallian Rev. Dr. Lalchungnunga chuan hetiang lawmman buatsaih tu SCERT chungah lawmthu a sawi a. Mizoram chhunga zirna sang zawk chak lehzuala a kal zel theih nan science leh mathematics pawimawhna leh heng subject 2 zirtir tur mithiam scientist leh mathematician mamawh zia a sawi a. Science peng hrang hrang kan nitin khawsak phunga a lo a kan awm theih lohte pawh thiam lehzuala kan zir uar deuh deuh a tul a ni a ti.