No.3623/2020-2020

Aizawl, the 30th July 2020: State Election Commission (SEC) chuan Local Council inthlan lo awm tur, the Third General Election to Local Councils, 2020 atan Aizawl Municipal Corporation (AMC) huam chhung AMC Ward hrang hrang a Local Council Seat awm zat leh voter awm zat te a ti chhuak a. Local Council 83 awmin, Local Council Seat 545 leh Voter 2,18,758 an awm mek a ni. Local Council zingah hian seat 7 awmna Ward II huam chhunga II/3 – Bawngkawnah voter awm tam berin Voter 6506 a awm a, seat 5 awmna Ward VIII huam chhunga VIII/3 – Chiteah voter awm tlem berin voter 460 an awm a ni.