991/2026-2027

Lawngtlai, the 12th June, 2026 : Vawiin khan LADC leh CADC ramri chungchanga harsatna awm zirchiang turin Pu Lalhmunsanga Hnamte , Secretary, DC&MA hoin zirchianna neih a ni.

LADC leh CADC Ramri Parva-I hmun (Tuichawng bul) ah CYLA ten Ramri Lung an phunah harsatna awmte zirchianna neih niin, Parva -I VC leh YCA te, Parva -II VC leh YLA leh Parva-III YMA te thil awm dan sawipui niin, ramri nih dan leh awm dante zirchianna leh zawhfiahna neih a ni.

Ramri ennaah hian Lawngtlai Bawrhsap Pu Donny Lalruatsanga pawh kalin Parva I,II & III VC leh Tlawmngai Pawl te nen inkawmin, an harsatna leh khawtlang mamawh hrang hrangte thlen in, Bawrhsap chuan a theih ang a ngaihtuah anih tur thu a hrilh a ni.

Parvaa ramri  enfiahna neihnaah hian Pu Joseph Lalrinawma, Addl. Secretary, DC&MA, Pu V. Zaithanmawia, Jt Secretary, DC&MA te bakah Executive Secretary LADC & CADC, DLAO LADC leh SDC - te an tel a ni.