Chief Minister Pu Zoramthanga chuan Pu J.C. Ramthanga lawmna thu sawiin, ram hmasawnna atan theihtawp chhuahpuiah CM office a thawk zawng zawngte a sawm a. Mizoramin kawng hrang hrangah hmasawn tura theihna, potential a neihte hi haichhuak a tangkaia hmang tur chuan kan theih chinah, kan thawhna mualah theuh thwihtawp kan chhuah tlan a ngai a ni, a ti.
Pu J.C. Ramthanga chuan thu sawi bawkin, Mizoram ngei ah Mizoram tan hna thawk theia ruahmanna sawrkarin a siam chu lawmawm a tih thu sawiin, inlungrual taka thawhhopuiah CM office a thawkte chu a sawm a ni.
Office thar luahna inkhawm hi Adviser to CM Pu C. Lalramzauva chuan kaihruaiin, sawrkarin ram hmasawnna atana hmathlir a neih te tihlawhtling tura mahni remhriatna te leh theihnate hman chu sawrkar hnuaia thawktute tan chuan tih ngei ngei tur a nih thu a sawi.
Addl. Chief Secretary to CM Pu J.C. Ramthanga hian Pu H.L. Rochungnunga a thlak a. Manipur Cadre atanga Mizoram sawrkar hnuaiah Inter cadre deputation a sawn niin, tunah hian Indian Administrative Service ah scale sang berah hlankai ni tawh a. Addl. Chief Secretary to CM hna bakah hian Public Works Department leh Horticulture Department a enkawl zui dawn bawk a ni.
Attachment
- Loading attachment...
