"The North-east Challenges of Governance" tih thupui hmanga Centre for North East Studies buatsaih seminar, Jamia Milia Islamia University, New Delhi-a vawiina neihah Chief Minister Pu Lal Thanhawla chuan thu sawiin hmarchhak bial tan, a mi chengte nunphung leh a ram dinhmun dik tak mil hmasawnna ruangam chhawp chhuah a tul hle tih a tarlang a. Helai biala retheihna hluar chhan chu thil dang zawng aiin helai bial tana ruahmanna dik tawk lo vang niin a sawi bawk. Chief Minister chuan hmarchhak bial pumpui dinhmun chawikang tur chuan ruahmanna ruangam tidanglamin, primary sector leh thingtlang mite dinhmun chawikanna tur dah chungnung a, helai biala cheng mi za zela 87%, thingtlanga chengte tuam thei tur ruahmanna thar chhawp chhuah a tul tih a sawi.
Pu Lal Thanhawla chuan hmarchhak bial leh India ram ril zawkte inkar zauhna chu daidangtu ramri aiin rilru lam inhlatna ni zawka a hriat thu sawiin dinhmun hnufum zawka ding hmarchhak bial hian mi tam zawkte ngaihhlut leh ngaihsak a hlawh theihna turin nasa taka tan lak a tul tih a sawi a. Remna leh muanna, ram rorelna leh hmasawnna te hi thil inkaihhnawih tlat an nih avangin an zavaia inthurual taka kalpui a pawimawh a ti a. Hmarchhak biala tharum thawhna tam tak chu lungawilohna leh hlauhna atanga lo irh chhuak thin a ni tiin Pu Lal Thanhawla chuan kum 20 zet Mizoram chu rambuai a nihna chhan chu khatih lai huna sorkarin Mautam tampui tuartu Mizo mipuite rilru na a thawi dam loh vang tih a tarlang a.Chutiang bawkin kum 1970 tir lama West Bengal leh Bihar-a hnam hnufual zawkte chenna hmun thenkhat chu ngaihsak an hlawh loh chuan a pawi theih tur thu mithiam ten an lo sawi pawh tun hnu a a lo thlen dik leh dan tarlangin Pu Lal Thanhawla chuan thil a chhiat thui hma a thawm that thuai hi kan zir chhuah tur chu a ni, tiin he Seminar ah hian a sawi a ni.
Remna leh muanna boruak thlen tura inpekna thuk neih a pawimawh zia pawh sawiin Pu Lal Thanhawla chuan tharum thawhna in rah tha a neih loh dan hi tute pawhin an ngaihtuah chian a, inrem tura tu lam ve ve pawh inhnuh hniam a pawimawh zia a tarlang a. "Silai-mu hian harsatna a sukiang lova, inbiakna leh inthlanna erawh chuan a sukiang thei" tiin a sawi. Pu Lal Thanhawla chuan hmarchhak bial enkawl tur chuan Gandhian thurin mil mipui rorelna, thil sawiho tlan theihna leh mipui ten anmahni hma hun atana duhthlang theia zalenna an neih theihna a pawimawh a ni, a ti a. Chutiang ang rorelna chu helai biala chengte nunphung nena inmil a ni, a ti bawk.
Seminar hi Jamia Milia University Vice Chancellor-in a kaihruai a. Pu B.K.Handique, Union Minister, DoNER chuan keynote address sawiin senior officer leh mithiam te, social activists leh Press mi te bakah zirlai thahnem tak an tel a ni.
Remna leh muanna boruak thlen tura inpekna thuk neih a pawimawh zia pawh sawiin Pu Lal Thanhawla chuan tharum thawhna in rah tha a neih loh dan hi tute pawhin an ngaihtuah chian a, inrem tura tu lam ve ve pawh inhnuh hniam a pawimawh zia a tarlang a. "Silai-mu hian harsatna a sukiang lova, inbiakna leh inthlanna erawh chuan a sukiang thei" tiin a sawi. Pu Lal Thanhawla chuan hmarchhak bial enkawl tur chuan Gandhian thurin mil mipui rorelna, thil sawiho tlan theihna leh mipui ten anmahni hma hun atana duhthlang theia zalenna an neih theihna a pawimawh a ni, a ti a. Chutiang ang rorelna chu helai biala chengte nunphung nena inmil a ni, a ti bawk.
Seminar hi Jamia Milia University Vice Chancellor-in a kaihruai a. Pu B.K.Handique, Union Minister, DoNER chuan keynote address sawiin senior officer leh mithiam te, social activists leh Press mi te bakah zirlai thahnem tak an tel a ni.
