Vawiin chawhma dar 10:30Am khan SP Conference Hall, Lunglei ah SP Lunglei buatsaihin ‘Fundamental Duties and COVID-19’ chungchangah seminar neih a ni a. He Seminar ah hian YMA Branch hrang hrang aiawh leh Town VC leh Mahila Police volunteer te an tel.

Seminar hi Pu F. Vanlalrochana MPS, SDPO Lungleiin a kaihhruai a Pu C.Lalthanmawia MPS,Sr.SP Lungleiin a hawnna leh a sawi zauna a nei bawk.

Pu Lalchhuanthanga, MPS, Addl. SP Lunglei leh Pi Lalrinkimi Hmar DCPO, ten Fundamental Duties chungchang sawiin hun an hmang a, he seminar hi India danpui Kum 70 tlin lawman kal zel a tana buatsaih a ni. Fundamental Duties hi dan puiin India khua leh tuite tihtur, an tih makmawh a phutte a ni. Mipui vantlang bungraw venghim turte, Tharum thawhlo turte, mahnia hmasawn tura theih tawp chhuah te pawh a tel a ni.

Seminar neih rual hian Lunglei khawpui chhung veng tin te COVID-19 hmachhawn dan tur chungchang a in buatsaihna sawi ho a ni.